Yahoo! we Microsoft öz gözleýiş sistemalaryny birleşdirýärler0

04.17.2010

Internediň örän uly kompaniýalary bolan Yahoo! we Microsoft Ýewropa Bileleşiginiň we ABŞ-nyň ýörite edaralary tarapyndan internetdäki öz gözleýiş sistemalarynyň biznesini birleşdirmäge ygtyýarnamany aldylar. Bu birleşdirme şu kompaniýalara internet äleminiň örän uly bolan Google internet-gözleýji kompaniýasy bilen has gowy bäsdeşlik etmäge mümkinçilik berer.

Häzirki wagtda Google bazaryň 85% eýeleýär, Yahoo! we Microsoft-a bolsa 9%-dan gowragy degişli. Şu hyzmatdaşlyk(partnýorçylyk) şertnama laýyklykda, Yahoo! öz gözleýiş sistemany ýatyryp, Microsoft-yň Bing gözleýiş tehnologiýasyny özüne girizer. Bu ylalaşyk ulanyjylar we reklama berijiler üçin internet-gözleýiş bazarynda alternatiwany, ýagny başga bir ýoly döreder diýip, kompaniýalar ynanýar. Muny tamamlamak 2010-njy ýylyň başynda planlaşdyryldy.

Çeşme: BBC Russian

Ýazan: Nury Meläýew

Jogap ýaz